Resensie: Elf dae op ‘n Eiland
Titel: Elf dae op ‘n Eiland
Skrywer: Elizabeth Wasserman
Gradering: 3 Sterre
Bladsye: 233
Publikasie datum: 20 September 2018
Beskrywing: Danika ontmoet uiteindelik die man wat sy net van ‘n ou foto af ken: haar pa, bewaarder op ‘n eiland in die Seychelles! Die heel eerste aand op die eiland hoor sy toevallig van ‘n ryk sjeik wat sy oog op die eiland het. Wat daarvan as hy nie werklik belang stel in ekotoerisme nie, maar in die finansiële gewin uit ‘n painiet-myn? Uit die bloute kom nog bekendes uit Kaapstad op Cousin aan . . . So word dit elf dae wat Danika nooit sal vergeet nie!
Dankie aan NB Uitgewers vir die gratis kopie.
Eerste Gedagtes
Hierdie boek weet nie lekker wat dit wil wees nie, ‘n liefdesverhaal, ‘n speurverhaal, ‘n avontuur. Daar is iets van alles te vind in hierdie boek. Alhoewel dit nie noodwendig ‘n slegte ding is nie, en ‘n goeie storie baie elemente het, het hierdie storie net te veel elemente gehad. Daar was te veel storielyne, en van hulle het nie vir my lekker gepas nie.
Die liefdesverhaal veral het nie vir my mooi gepas nie. Hierdie boek het geen aanduiding gegee dat daar liefde betrokke is nie, en ek voel die skrywer het dit net ingegooi van sy het gevoel dit was nodig. Daar was geen konneksie tussen die karakters nie en die liefde het gedwonge gevoel.
Karakters
Ek het baie van Wasserman se skryfstyl gehou en van die hoof karakter, Danika. Ek sou graag meer van Danika wou weet, en op tye het dit gevoel asof Danika net bygestaan het terwyl ander karakters die storielyn bevorder het. Dit sou goed gewees het om meer diepte van Danika te sien, en ek dink die volgende boeke in die reeks het baie potensiaal.
Opsomming
Hierdie boek was baie pret, al het dit my bietjie deurmekaar gemaak met al die storielyne. Dit was nogsteeds ‘n vinnge en gemaklike lees.
Oh my, hope your next read is more to your liking
Characters with depth are a huge must for me when reading. I hope your next book is more enjoyable.
Great review. Pity it didn’t work out for you.
Great review!